“KAP BOK” ito ang karaniwang tawag ng lahat ng residente ng Barangay Mambog 1 kay Kapitan Rogelio Manahan Nolasco.

            Ang kanyang di matatawarang serbisyo, ang kanyang pangunahing prayoridad, hindi lang sa kanyang nasasakupan kundi pati na rin sa lahat mula pa noong 1991 hanggang sa ngayon.

            Si Kapitan Bok ay nagtrabaho bilang School Janitor sa Imus Institute noong 1965 hangang 1969, upang masuportahan ang kanyang pag-aaral at naging Factory Worker sa United Textile Mills, Inc. Pasig City. Noong 1980 ay nagging General Clerk sa Board of Investment (BOI), at Researcher sa Department of Trade & Industry (DTI) Makati, at Analyst sa Garment Textile Export Board (GTEB) Makati.

            Siya ay working student at nagtapos ng kursong Bachelor of Science in Business Administration (BSBA) Major in Marketing/Economics sa Philippine Christian University (PCU) noong 1981. Kumuha rin siya ng 9-units Master on Business Administration (MBA) na naging daan para siya ay makapagsimula ng isang maliit na negosyo.

            Nagtayo siya ng isang Real Estate Business at naging Insurance Agent noong 1982 hanggang sa ngayon. Noong 1994 siya ay kinasal sa kanyang butihing maybahay, Carmelita Odon Nolasco. Sila ay nabiyayaan ng isang anak na si Rose Clarise Odon Nolasco.

            Dahil sa kagustuhan niya na makatulong sa kanyang pamayanan ay nagsimula siya bilang Kabataang Barangay sa Mambog noong 1970. Taong 1975, siya ay naging Barangay Tanod, Barangay Secretary at Barangay Kagawad noong 1980. Noong 1991 ay nahati ang Mambog sa limang (5) purok, at naging kapitan siya sa Mambog 1 simula 1991 hanngang 1995. Muling kumandidato at nanalo noong 1997 hanggnag 2010. Sa kanyang panunungkulan noong taong 2000, ang Mambog 1 ay nagwagi ng “Cleanest and Greenest Barangay”. Kasabay ang pagiging Drug Free Barangay award. Nagsilbi rin siya bilang miyembro ng People’s Law Enforcement Board (PLEB) noong 1998 hanggang 2005.

            Pagkatapos ng dalawampung (20) taon ng Subok na Serbisyo bilang Punong Barangay, siya ay napili na maging Executive Director ng Family Care Development Office mula taong 2011 hanggang Oktubre 18, 2017 sa ilalim ng tanggapan ng Office of the Mayor at pagkatapos niyang magretiro ay pinagkalooban naman siya ng “Excellence Service Award”, nagtrabaho din siya bilang isa sa pinagkakatiwalaang kawani sa opisina ni Congressman Strike B. Revilla mula Oktubre 2017 hanggang Hunyo 2018.

            Noong May 14, 2018 Barangay Election siya ay kumandidato muli bilang Punong Barangay at muling nahalal. Sa loob ng apat na taon na pamumuno niya sa Barangay ay muli nyang naibalik ang mga programa na makakatulong sa pamayanan. Tumanggap din siya ng mga ibat-ibang parangal bilang Punong Barangay.

            At dahil sa tawag ng tungkulin ay muli siyang kumandidato at nanalo bilang Konsehal ng Lungsod ng Bacoor noong ika-9 ng Mayo, 2022 sa ilalim ng Partido Revilla sa pamumuno ni kagalang-galang Mayor Strike B. Revilla at ayon na rin sa kanyang “SERBISYONG SUBOk SA LAHAT NG PAGSUBOK” ay ipagpapatuloy din niya ang kanyang nasimulan hindi lamang sa Barangay Mambog 1 kundi pati na rin sa Lungsod ng Bacoor dala-dala ang pananaw at misyon ng sama-samang pagkakaisa, matahimik at maunlad na Lungsod ng Bacoor na pinamamahalaan ang isang komunidad na matatag, makakalikasan, mapagmahal sa maykapal at higit sa lahat ay ang adbokasiya niya na makatulong sa maayos at magandang mithiin ni Mayor Strike B. Revilla para sa pangangailangan ng bawat Bakooreño.